बैंकिङ खबर/ देशको समग्र अर्थतन्त्रले गति लिएको तथ्यांक सार्वजनिक भएको छ । नेपाल राष्ट्र बैंकले जारी गरेको देशको वर्तमान आर्थिक तथा वित्तीय स्थितिमा प्रायः सूचकहरू अघिल्लो सरकारको बेलाको भन्दा सकारात्मक रहेका छन् ।
यस वर्ष मुल्यवृद्धि दर समग्रमा घटेको छ भने विदेशी मुद्रा सञ्चितिदेखि देशको मौज्दात समेत बढेको छ । राष्ट्र बैंकका अनुसार उपभोग्य बस्तुको मूल्य वृद्धिदर २ दशमलब ७७ प्रतिशत रहेको छ । अघिल्लो वर्ष यही समयमा मुल्य वृद्धिदर ४ दशमलब ४० प्रतिशत रहेको राष्ट्र बैंकले जनाएको छ ।
-सरकारको खातामा ३ खर्ब ६० अर्ब रुपैया मौज्दात
-शोधनान्तर स्थिति ४३८ अर्ब ५२ करोड रुपैया बचा
-रेमिट्यान्स १३.२ प्रतिशत बृद्धि, अघिल्लो वर्षभन्दा बढी
-विदेशी मुद्रा विनिमयको सञ्चिती १८ अर्ब ४० करोड
-आयात १३ प्रतिशत, निर्यात ७३ प्रतिशतले बृद्धि
-राजश्व परिचालन ९२२ अर्ब ४३ करोड
-रेमिट्यान्स एक महिनामै १ खर्ब ६५ अर्बको रेकर्ड
-मूल्य वृद्धिदर २ दशमलब ७७ प्रतिशत
शहरमा भन्दा गाउँमा महँगी बढेको तथ्यांकले देखाएको छ । सरकारको खातामा ३ खर्ब ६० अर्ब रूपैया मौज्दात वैशाख महिनामा कायम रहेको छ भने सोधनान्तर स्थिति ४३८ अर्ब ५२ करोड रूपैया बचत छ ।
त्यस्तै समग्र आयात १३ प्रतिशत, निर्यात ७३ प्रतिशतले वृद्धि भएको छ । रेमिट्यान्स एक महिनामै १ खर्ब ६५ अर्बको रेकर्ड कायम गर्दै समग्रमा रेमिट्यान्स १३.२ प्रतिशत वृद्धि भएको देखिन्छ । त्यस्तै विदेशी मुद्रा विनिमयको सञ्चिति १८ अर्ब ४० करोड कायम रहेको छ । राजश्व परिचालन ९२२ अर्ब ४३ करोड रहँदा मुद्रास्फिति २.७७ प्रतिशत कायम छ ।
