कञ्चन डेभलपमेन्ट बैंकको दुई बराबर एकको अनुपातमा हकप्रद सेयर पुष १८ गतेदेखि खुला हुने भएको छ । बैंकले हाल कायम चुक्तापूँजीको ५० प्रतिशत हुन आउने कुल ९ लाख ९० हजार कित्ता हकप्रद सेयर निष्काशन गर्न लागेको हो ।
माघ २३ गतेसम्म निष्काशन हुने हकप्रद सेयरमा मंसिर २९ गतेसम्म कायम सेयरधनीहरुले आवेदन दिन पाउनेछन् । सेयर निष्काशन तथा विक्री प्रबन्धकमा बैंकले ग्लोबल आईएमई क्यापिटल लिमिटेडलाई नियुक्त गरेको छ ।
हाल कञ्चन डेभलपमेन्ट बैंकको चुक्तापुँजी १९ करोड ८० लाख रुपैयाँ रहेको छ । ५० प्रतिशत हकप्रद वितरणपछि बैंकको चुक्तापुँजी २९ करोड ७० लाख रुपैयाँ पुग्नेछ । यसबाहेक बैंकले गत आर्थिक वर्षको नाफाबाट २५ प्रतिशत बोनस सेयर समेत दिँदैछ । जसपश्चात् बैंकको चुक्तापुँजी ३४ करोड ६५ लाख रुपैयाँ पुग्नेछ । यो पुँजीबाट पनि ३० प्रतिशत हकप्रद सेयर निष्काशन गर्ने प्रस्ताव बैंकले आगमी पुस ९ गते बस्ने साधारणसभामा लग्दैछ । सो हकप्रद सेयर जारी गरेपछि बैंकको चुक्तापुँजी ४५ करोड रुपैयाँ पुग्नेछ ।
