मेगा बैंक नेपाल लिमिटेडले आफ्ना सेयरधनीलाई १३.२५ प्रतिशत बोनस सेयर दिने भएको छ । बैंकको आइतबार बसेको सञ्चालक समितिको बैठकले उक्त प्रस्ताव अघि सारेको हो । बैंकले ०.७० प्रतिशत नगद लाभांश पनि दिने निर्णय गरेको छ । सोही बैठकले बोनस सेयर वितरण गरेपछि कायम हुने चुक्तापुँजीको ६५ प्रतिशत हकप्रद सेयर निष्काशन गर्ने निर्णय गरेको छ ।
हाल मेगा बैंकको चुक्ता पूँजी ३ अर्ब २४ करोड रुपैयाँ रहेको छ । केही समय अघि विक्री गरेको २५ प्रतिशत हकप्रद जोड्दा बैंकको पुँजी चार अर्ब ५ करोड रुपैयाँ पुगेको छ । त्यसमा १३.२५ प्रतिशत बोनस र फेरि ६५ प्रतिशत हकप्रद बिक्री गरेपछि बैंकको चुक्ता पुँजी ७ अर्ब ५७ करोड रुपैयाँको हाराहारीमा पुग्नेछ ।
