कन्काई विकास बैंक लिमिटेडले आफ्ना सेयरधनीलाई २० प्रतिशत बोनस शेयर दिने भएको छ । बैंकको बुधबार बसेको सञ्चालक समितिको बैठकले लगानीकर्तालाई २० प्रतिशत बोनस शेयर र कर प्रयोजनका लागि १३ लाख १५ हजार ७८९ रुपैयाँ नगद लाभांश दिने प्रस्ताव गरेको हो ।
बैठकले बोनस पछि कायम चुक्तापूँजीको २१४ प्रतिशत अर्थात १ बराबर २.१४ को अनुपातमा हकप्रद शेयर दिने निर्णय समेत गरेको छ ।
बैंकको उक्त प्रस्ताव नियामक नेपाल राष्ट्र बैंकबाट स्विकृत भई बैंकको आगामी मंसिर २५ गते बस्ने साधारणसभाले पारित गरेपछि लगानीकर्तालाई वितरण गरिने बैंकले जानकारी दिएको छ ।
उक्त प्रयोजनका लागि आगामी मंसिर १० देखि शेयरधनी पुस्तिका बन्द हुनेछ । जसअनुसार, मंसिर ९ गतेसम्म कायम शेयरधनीले मात्रै बैंकको बोनस र हकप्रद प्राप्त गर्नेछन् ।
