बैंकिङ खबर/ चालु आर्थिक वर्षको ५ महिना अवधिमा वैदेशिक व्यपार घटेको छ। गत वर्षको यही अवधीको तुलनामा यस वर्षको वैदेशिक ब्यापार ३ दशमलव ६४ प्रतिशतले घटेको हो । ५ महिना अवधिमा वस्तु आयत ६ खर्ब ४२ अर्ब रुपैयाँ बराबरको भएको छ।
गत वर्षको यही अवधिमा ६ खर्ब ६४ अर्ब रुपैयाँ बराबरको भएको थियो । त्यस्तैगरी मंसिर मसान्तसम्म वस्तु निर्यात ६३ अर्ब रुपैयाँ बराबरको भएको छ । गत वर्षको यही अवधिमा ६७ अर्ब रुपैयाँ बराबरको भएको थियो ।
