सिद्धार्थ बैंकले २५ प्रतिशत अर्थात चार बराबर एकको अनुपातमा हकप्रद सेयर निष्काशनका लागि नेपाल राष्ट्र राष्ट्र बैंकबाट अन्तिम स्विकृति पाएको छ । गत साउन ६ गते धितोपत्र बोर्डमा हकप्रद निष्काशनका लागि आवेदन दिएको बैंकले आइतबार बोर्डबाट हकप्रद निष्काशनको स्वीकृति पाएको हो ।
सिद्धार्थ बैंकले आफ्ना शेयरधनीलाई ७५ करोड ५५ लाख रुपैयाँ बराबरका एक सय रुपैयाँ अंकित दरका ७५ लाख ५५ हजार १ सय ९३ कित्ता हकप्रद शेयर जारी गर्न लागेको हो । सेयर जारी गर्ने मिति भने तय भइनसकेको बताइएको छ ।
विजनेश युनिभर्सल डेभलपमेण्ट बैंकलाई गाभेको बैंकको हाल ३ अर्ब ३ करोड रुपैंया चुक्तापूँजी रहेको छ । हकप्रद निष्काशन पश्चात बैंकको पूँजी ३ अर्ब ८० करोड हाराहारी पुग्नेछ । बैंकको शेयर निष्काशन तथा बिक्री प्रबन्धकमा लक्ष्मी क्यापिटल रहेको छ ।
