लगानीकर्ताले खरिद गर्न छुटेको १ लाख ६८ हजार ५ सय ३१ कित्ता हकप्रद सेयर सानिमा बैंकले बोलकबोलबाट विक्रि गर्ने भएको छ । बैंकले असोज ९ गतेदेखि १६ गतेसम्म बोलकबोल खुला गरिने जानकारी गराएको छ ।
बैंकको हकप्रद सेयर खरिद गर्न इच्छुकले आफूले लिन चाहेको मूल्य तोकेर बोलपत्र पेश गर्न सक्ने छन् । यसका लागि सानिमा क्यापिटल लिमिटेडको नाममा सानिमा बैंकको खाता नं. ००१०००१२६९२०२ मा आवेदकले रकम संकलन गरी सोको सक्कल भौचर, नागरिकताको फाटोकपी र भरेको फारम संलग्न गराई आवेदन दिन सक्ने छन् ।
आवेदकको अनिवार्य डिम्याट खाता भने हुनुपर्ने छ । बढी मूल्य दिएकालाई सेयर बिक्री हुनेछ । असोज १७ गते बोलपत्र खोली बाँडफाँड हुने सानिमा क्यापिटलले जनाएको छ ।
