बैंकिङ खबर/ कारोबारको तेस्रो दिन सेयर बजार गिरावट आएको छ । अघिल्लो दिन ३२ अंकको हरियाली छाएको सेयरबजार मंगलबार फेरि ३७ अंकले ओर्लिएको हो।
नेपाल स्टक एक्सचेन्जका अनुसार नेप्सेसँगै क वर्गका कम्पनीको कारोबार मापक सेन्सिटिभ सूचक पनि ६.८५ अंकले झरेको छ। आजको कारोबारमा २३१ कम्पनी सामेल भएका छन्।
दिनभरिमा ४९ हजार ७४१ पटकको खरिदबिक्रीसँगै ३ अर्ब १२ करोडको मात्रै खरिदबिक्री भएको छ। नेप्सेका अनुसार आज कम्पनीहरुको ८३ लाख कित्ता सेयर बिक्री भएको छ। आज व्यापार र म्युचुअल फन्डबाहेक ११ उपसूचक राताम्य देखिएका छन्। लगानीकर्ताको उच्च कमाइ दर आज ४.६५ प्रतिशत मात्रै रहँदा गुमाउनेले ७.६५ प्रतिशतसम्म गुमाएका छन्। मंगलबार कम्पनीहरुको १२ करोडसम्म मात्रै अधिकतम कारोबार भएको छ।
