सिटिजन्स बैंक इन्टरनेसनल लिमिटेडले बाल विकास समाजलाई संस्थागत सामाजिक उत्तरदायित्व अन्तर्गत स्वास्थ्य क्लिनिक सञ्चालनको लागि ५० हजार रुपैयाँ सहयोग गरेको छ । बैंकका प्रमुख प्रशासकीय अधिकृत उमंग शर्माले सो चेक बाल विकास समाजका महासचिव सुभास गौतमलाई हस्तान्तरण गरेका छन् । बैंकले यस अघि पनि राष्ट्रिय व्याडमिन्टन खेलाडि सुश्री नङसल तामाङलाई संस्थागत सामाजिक उत्तरदायित्व अन्तर्गत मासिक २५ हजार रुपैयाँ उपलब्ध गराउने गरि एक वर्षको लागि सम्झौता गरेको थियो ।
