नारायणी नेशनल फाईनान्सलाई ७७ प्रतिशत स्वाप रेसियोमा गाभेको सनराइज बैंकले चौथो त्रैमासमा ९५ करोड १७ लाख रुपैयाँं खुद मुनाफा आर्जन गरेको छ । बैंकले अघिल्लो वर्षको तुलनामा १ सय २ दशमलव १३ प्रतिशतले बढी नाफा गरेको हो । अघिल्लो वर्ष यसै अवधिमा बैंकले ४७ करोड ८ लाख रुपैयाँ खुद मुनाफा कमाएको थियो । अघिल्लो वर्षको तुलनामा नाफा बढाएको भएपनि अर्बपति क्लबमा प्रवेश गर्नबाट भने बैंक चुकेको छ । यसपटक अर्बपति क्लबमा प्रवेश गर्नेमा सनराइज बैंक पनि पर्ने आँकलन गरिएको थियो ।
३ अर्ब ९७ करोड रुपैयाँ चुक्ता पूँजी रहेको बैंकले जगेडा कोषमा २ अर्ब १६ करोड ९४ लाख रुपैयाँ राखेको छ । बैंकले निक्षेपमा ५४ दशमलव २४ प्रतिशतले वृद्धि गरी ५१ अर्ब ६५ करोड २ लाख रुपैयाँ संकलन गरेको छ । त्यस्तै कर्जा प्रवाहतर्फ ६२ दशमलव ४९ प्रतिशतले वृद्धि गरि ४२ अर्ब ८६ करोड रुपैयाँ तथा लगानीतर्फ ८ अर्ब रुपैयाँ रहेको छ ।
बैंकको खुद व्याज आम्दानी ३५ दशमलव ८९ प्रतिशतले बढेर १ अर्ब ५० करोड रुपैयाँ पुगेको छ । बैंकले सञ्चालन मुनाफा १ सय ३४ दशमलव ४८ प्रतिशतले वृद्धि भई ९५ करोड २३ लाख रुपैयाँ पुगेको छ । बैंकले प्रोभिजनमा ३२ करोड ५३ लाख रुपैयाँ राखेको छ । त्यसै गरि ५५ करोड ६३ लाख रुपैयाँ राइट ब्याक गरेको छ ।
बैंकको प्रति शेयर आम्दानी २३ दशमलव ९८ रुपैयाँ रहेको छ भने मुल्य आम्दानीेको अनुपात ३१ दशमलव २४ गुणा रहेको छ । प्रति शेयर नेटवर्थ १ सय ५४ दशमलव ५६ रुपैयाँ रहेको छ र तरलता अनुपात २५ दशमलव १४ प्रतिशत रहेको छ । जोखिमयुक्त सम्पति ११ दशमलव ९८ प्रतिशत रहेको छ बैंकको निष्कृय कर्जा १ दशमलव २४ प्रतिशत रहेको छ ।
