बैंकिङ खबर । साताको अन्तिम दिन शेयर कारोबार मापक नेप्से परिसूचक २० दशमलव ६४ अंकले उकालो लागेकोे छ । आज बुधबार नेप्से परिसूचक २० दशमलव ६४ अंकले बढेर १ हजार ५ सय ७१.०४ विन्दुमा सिमित भएको हो । त्यस्तै सेन्सेटिभ इन्डेक्स २.९८ अंकले बढेर ३१०.१५ विन्दुमा पुगेको छ । कूल १९३ कम्पनीले ९८लाख ८४ हजार ८२६ कित्ता शेयर खरिदबिक्री हुँदा २ अर्व ७९ करोड ५ लाख ७९ हजार ८५९ कारोबार भएको छ । स्टकमा कारोबार भएका कूल १२ उपसमूह मध्ये १० समूहको कारोबार बढेको छ । भने बाकीँ २ उपसमूहको कारोबार घटेको छ । आज जलविद्युत्, म्युचुअल फण्ड बाहेकका सबै सूचक उकालो लागेका छन्।
