गत आर्थिक वर्षको चौथो त्रैमासमा गरिमा विकास बैंकले २२ करोड ३७ लाख रुपैयाँ खुद मुनाफा आर्जन गरेको छ । गरीमाले अघिल्लो आर्थिक वर्षको तुलनामा ३७ दशमलव १२ प्रतिशत बढी मुनाफा आर्जन गरेको छ । अघिल्लो आर्थिक वर्षको सोहि अवधिमा बैंकले १६ करोड ३१ लाख रुपैयाँ मुनाफा आर्जन गरेको थियो ।
८५ करोड ३२ लाख रुपैयाँ चुक्ता पुँजी भएको बैंकले जगेडा कोषमा ३४ करोड ९६ लाख रुपैयाँ राखेको जनाएको छ । निक्षेपमा गत वर्षको सोहि अवधिको तुलनाभन्दा ४५ दशमलव १३ प्रतिशतले वृद्धि गरी ९ अर्ब २२ करोड ८५ लाख रुपैयाँ संकलन गरेर कर्जामा ८ अर्ब ७३ लाख रुपैयाँ लगानी गरेको छ । बैंकको खुद व्याज आम्दानी ३४ दशमलव ८५ प्रतिशतले बढेर ४५ करोड ९९ लाख रुपैयाँ पुगेको छ । त्यस्तै गरी सञ्चालन मुनाफा ३७ दशमलव ४६ प्रतिशतले बढेर ३५ करोड १५ लाख रुपैयाँ पुगेको छ । बैंकको प्रोभिजनमा ३ करोड १५ लाख रुपैयाँ राखिएको छ ।
बैंकको निस्कृय कर्जा शुन्य दशमलव ३० प्रतिशत रहेको छ भने जोखिमयुक्त सम्पत्ति १३ दशमलव ४६ प्रतिशत रहेको छ । बैंकको प्रतिशेयर आम्दानी वार्षिक २६ दशमलव २२ रुपैयाँ रहेको छ भने मुल्य आम्दानीको अनुपात वार्षिक १३ दशमलव ५८ गुणा रहेको छ । प्रतिशेयर नेटवर्थ १ सय ४० दशमलव ९९ रुपैयाँ रहेको छ र तरलता अनुपात २५ दशमलव ४६ प्रतिशत रहेको छ ।
