गुडविल फाईनान्सले गत आर्थिक बर्षमा १३ करोड १४ लाख रुपैयाँ खुद मुनाफा आर्जन गरेको छ । फाईनान्सले अघिल्लो आर्थिक बर्षको तुलनामा २ सय २४ प्रतिशत अर्थात साढे ११ करोडले बढी मुनाफा कमाएको हो ।
निक्षेप र कर्जा परिचालनमा बृद्धि गरेको फाईनान्सले ब्याज आम्दानी र संचालन मुनाफा पनि बढाएको छ । गैर संचालन आम्दानी झण्डै ४ करोड बढाएको फाईनान्सको निस्क्रिय कर्जा अनुपात भने बढेको छ ।
३६ करोड चुक्ता पूँजी रहेको कम्पनीको जगेडा कोषमा १८ करोड ९३ लाख छ भने प्रति शेयर आम्दानी ३६ रुपैयाँ, प्रति शेयर नेटवर्थ १ सय ५२, मूल्य आम्दानी अनुपात ९.२२ र पूँजी कोष अनुपात १५.५१ रहेको छ ।
