कुमारी बैंक र देवःविकास बैंकको एकीकृत कारोबार शुभारम्भ

बैंकिङ खबर ।  कुमारी बैंक लिमिटेडले साविकको देवःविकास बैंक लिमिटेडलाई प्राप्ती गरी मिति२०७७/०३/२८ गते देखि आधिकारिक रुपमाएकीकृत कारोबार शुभारम्भ गरेको छ ।
कुमारी बैंक लिमिटेडको टंगाल स्थित प्रधान कार्यालयमा आयोजित एक कार्यक्रममा कुमारी बैंक लिमिटेडका अध्यक्ष अमिर प्रताप जब राणा तथा साविकको देवःविकास बैंकका अध्यक्ष उपरथी बज्र गुरुङ (अ प्रा)ज्यूले संयुक्त रुपमा समुद्घाटन गर्दै एकीकृत कारोबारको शुभारम्भ गर्नुभएको हो ।
यस नयाँ कार्यथालनी पश्चात् कुमारी बैंकको कूल शाखा एवं एक्सटेन्सन काउन्टर संजाल २१६, एटिएम संख्या १३८ लगायत कूल निक्षेप रु १२४ अर्ब, कूल कर्जा प्रवाह रु ११२ अर्ब तथा सेयर पूँजी रु १२.५२ अर्ब पुगेको छ । यस पश्चात् बैंक पहिले भन्दा सबलर आगामी दिनमा बैंकका शाखा/एटिएम विस्तारित तथा बैंकिङ्ग सेवा सुविधा अझै उत्कृष्ट र ग्राहकमुखी हुदैं जानेमा बैंकले प्रतिबद्ध रहेको जानकारी गराएको छ ।