सुन धितो राखेर कर्जा निकाल्नेहरु बढ्दै

बैंकिङ खबर । सुनको बजार मूल्य बढेपछि कम जोखिम भएको भन्दै संसारभर सुनमा लगानी बढ्ने संकेत देखिएको छ । भारतमा सुन लोनको माग बढेको छ । नेपालमा पनि यस आर्थिक वर्षमा सुन धितो राखेर कर्जा लिनेहरुको संख्या बढ्ने अनुमान गरिएको छ । सुनको बढ्दो मूल्य र ऋणदाताहरूले जोखिमबाट बच्न नगदको बदलामा सुन नै धितो राख्न सजिलो हुने भएकाले सुन धितो राखेर कर्जा निकाल्नेहरु सक्रिय हुन थालेका छन् । यस कारणले, यस वर्ष गोल्ड लोनको बजार द्रुत रूपमा बढ्न सक्दछ । केहीदिनयता ग्राहकहरूले सुन धितो राखेर नगद लिन चाहेको एक बैंकरले बताए । बैंकहरूले क्रेडिट कार्ड र व्यक्तिगत ऋणमा सुनलाई आधार मानेर ऋण दिनेछन् । कोरोनाको मन्दीको कारणले गर्दा बैंकहरूले ऋणमा अझ बढी सावधानी अपनाइरहेका छन् । सुनसँग धितो दिने ऋणदाताहरूका लागि पनि ‘गोल्ड लोन’ कम जोखिम मानिन्छ ।