बैंकिङ खबर । कोरोना भाइरसका कारण बाँकेको नरैनापुरको दीपेन्द्र मावि भोजभगवानपुरको क्वारेन्टाइनमा रहेका २५ वर्षीय युवकको मृत्यु भएको छ । उनीसँगै नेपालमा कोरोनाबाट मृत्यु हुनेको संख्या २ पुगेको छ । मृतक वैशाख ३० गते भारतबाट नेपाल आएका थिए । उनको आइतबार विहान ६ः४० बजे मृत्यु भएको बताइएको छ । स्वास्थ्य मन्त्रालयले यसको पुष्टी गरीसकेको छ । मृतकको स्वाब परीक्षणको रिपोर्ट पोजेटिभ आएको मन्त्रालयले जनाएको छ । यसअघि कोरोना भाइरसको संक्रमणबाट सिन्धुपाल्चोककी सुत्केरीको मृत्यु भएको थियो ।
