बैंकिङ खबर । कोरोनाका कारण लकडाउन भएको कारणले देशको अर्थतन्त्रलाई ठूलो चोट पुर्याएको छ । यसको प्रभाव छिमेकी मुलुक भारतमा पनि परेको छ । यसलाई ध्यानमा राख्दै, रेटिंग एजेन्सी फिचले भारतको वृद्धि अनुमान घटाएको छ । चालू आर्थिक वर्षमा आर्थिक वृद्धि दर २ प्रतिशत हुन सक्छ । यो ३० बर्षमा भारतको सबैभन्दा कम वृद्धि हो । यसभन्दा पहिले, रेटिंग एजेन्सीले भारतको आर्थिक वृद्धिको लागि ५.१ प्रतिशतको अनुमान गरेको थियो ।
भारत लगायत विश्वका प्राय सबै देशहरूमा लकडाउन छ । यसले विश्व अर्थतन्त्रलाई मन्दीमा र्पुयाएको छ । भारत पनि यसबाट अछूत रहने छैन । फिचको अनुसार उपभोक्ता खर्च कम भएमा साना उद्योग र सेवा क्षेत्रमा पनि असर पर्नेछ । मार्चमा, फिचले २०२०/२१ का लागि भारतको आर्थिक वृद्धि ५.१ प्रतिशत हुने अनुमान गरेका थिए । यो डिसेम्बर २०१९ मा गरीएको अनुमानभन्दा ५.६ प्रतिशत कम थियो । गैर बैंकिंग वित्तीय संस्था (एनबीएफआई) को लागी चुनौति बढ्ने फिचले बताएको छ । कोरोना भाइरसको फैलावट रोक्नको लागि सरकारको कदमहरूले यस क्षेत्रलाई गहिरो असर पार्नेछ । मूडीजले भारतको वृद्धि अनुमान पनि कम गरेको छ । यसलाई २०२० को लागि २।५ प्रतिशतमा सिमित गरियो । यसभन्दा पहिले रेटिंग एजेन्सीले ५।३ प्रतिशत अनुमान गरेको थियो । कोरोना भाइरस महामारीले निम्त्याएको विश्वव्यापी संकटको बीचमा एसियाली विकास बैंक (एडीबी) ले पनि आर्थिक वर्ष २०२०/२१ मा भारतको आर्थिक वृद्धि दर चार प्रतिशतमा झर्ने अनुमान गरेको छ । एडीबीका अध्यक्ष मसासटुगु असकावाले भने, “धेरै चुनौतीपूर्ण समयहरू छन् । कोविड १९ ले विश्वको सबै व्यक्तिको जीवनलाई असर गरेको छ र उद्योग र अन्य आर्थिक गतिविधिहरू अवरुद्ध भइरहेको छ। ’
