बैंकिङ खबर । कोभिड १९ को महामारीका कारण यस वर्ष विश्वव्यापी अर्थतन्त्र मन्दीमा जानेछ । यद्यपि भारत र चीन अपवाद हुने संयुक्त राष्ट्र संघकोे ताजा रिपोर्टमा भनिएको छ । रिपोर्टका अनुसार कोरोनाले खरबौं डलर गुमाउनेछ । यसले विकासोन्मुख देशहरूका लागि ठूलो संकटको सामना गराउनेछ । यद्यपि उक्त प्रतिवेदनले किन र कसरी भारत र चीन अपवाद हुनेछ भन्ने बारेमा विस्तृत वर्णन गरेको छैन ।
संयुक्त राष्ट्र संघका अनुसार कोविड १९ को कारण विकासोन्मुख देशहरूमा बसोबास गर्ने विश्वको दुई तिहाई जनता अभूतपूर्व आर्थिक संकटको सामना गरिरहेका छन् । यी देशहरूलाई सहयोग पुर्याउन २,५०० अरब डलर राहत प्याकेज पनि सिफारिस गरिएको छ । संयुक्त राष्ट्र व्यापार र विकास सम्मेलनद्वारा हालै गरिएको एक विश्लेषण अनुसार विश्वको दुई तिहाई जनसंख्या प्रभावित हुनेछ र आगामी दुई बर्षमा विकासोन्मुख देशहरुमा २,००० अर्ब देखि ३,००० अर्ब बीचको विदेशी लगानी प्रभावित हुन सक्छ ।
हालसालै विकसित अर्थतन्त्र र चीनले ठूलो सरकारी प्याकेज घोषणा गरेको छ । यस प्याकेजलाई उनीहरूको अर्थव्यवस्था समर्थन गर्न कुल ५,००० अर्ब डलर हुनेछ । प्रतिवेदनले भनेअनुसार कि यो अभूतपूर्व संकट होे, जसका लागि अभूतपूर्व निर्णय लिनु पर्नेछ । युएनसीटीएडीका अनुसार यी राहत उपायहरूको बाबजुद यस वर्ष विश्वको अर्थतन्त्र मन्दीमा जानेछ र यसले अरबौं डलरको विश्वव्यापी लगानी नोक्सान गर्ने छ, जुन विकासोन्मुख देशहरूका लागि गम्भीर समस्या हुनेछ ।
