बैंकिङ खबर । उच्च अदालत पाटनले बैंकिङ कसुरको घटनामा कीर्ते बैंक ग्यारेन्टी गरेको विषयलाई लिएर कर्णाली प्रदेशका भौतिक पूर्वाधार मन्त्री खड्गबहादुर खत्रीलाई पक्राउ आदेश दिएको छ । अदालतका न्यायाधीशद्वय श्रीकान्त पौडेल र टेकप्रसाद ढुंगानाको इजलासले पक्राउ गर्नका लागि तीन दिनको समय दिएको छ । अदालतले मन्त्री खत्री सहित अरु ५ जनालाई पक्राउ आदेश दिएको छ । उनीहरुले १ करोड १० लाख ८० हजार रुपैयाँ रकमको कीर्ते बैंक ग्यारेन्टी गरेको आदेशमा उल्लेख छ ।
