रिडी हाइड्रो पावर डेभलपमेन्ट कम्पनीको हकप्रद सेयर बिक्री बुधबारदेखि खुलेको छ । कम्पनीको १० बराबर ३.५ को अनुपातमा कम्पनीको हकप्रद सेयर बिक्री खुला भएको हो । हालको चुक्ता पुँजी ३३ करोड रुपैयाँको ३५ प्रतिशत अर्थात ११ करोड ५५ लाख रुपैयाँको हकप्रद सेयर विक्रि गर्न लागिएको हो । आगामी साउन ४ गतेसम्म लगानीकर्ताहरुले आफूसँग भएको सेयरको ३५ प्रतिशत सेयरका लागि आवेदन दिन सक्ने छन् ।
कम्पनीले हकप्रद सेयर निष्कासनको बिक्री प्रबन्धकको रुपमा ग्लोबल आईएमई क्यापिटल नियुक्त गरेको छ । कम्पनीको हकप्रद निष्कासनले इक्रा नेपालबाट ग्रेड ४ रेटिङ प्राप्त छ । कम्पनीले रिडीखोला आयोजनाबाट विद्युत उत्पादन गरी नेपाल विद्युत प्राधिकरणलाई बिक्री गर्दै आइरहेको छ ।
