बैंकिङ खबर । माछापुच्छ्रे बैंकले प्रदेश नं. १ स्थित सुनसरी र झापा जिल्लामा ४ नयाँ शाखा विस्तार गरेको छ । बैंकले सुनसरीको इनरुवा नगरपालिकास्थित इनरुवा र बराहक्षेत्र नगरपालिकास्थित चक्रघट्टी तथा झापाको भद्रपुर नगरपालिकास्थित चन्द्रगढी (चाराली रोड) र मेचीनगर नगरपालिकास्थित काँकरभिट्टामा शाखा विस्तार गरेको हो ।
त्यस्तै, बैंकले तनहुँ, चितवन, नवलपूर, नवलपरासी, रौतहट, सुर्खेत र बर्दियाका विभिन्न स्थानमा थप १२ वटा शाखारहित बैंकिङ सेवा संचालनमा ल्याएको छ ।
यससँगै बैंकको शाखा संख्या ११० पुगेको छ भने शाखारहित बैंकिङ ११२ पुगेको छ । यसबाहेक बैंकका १२९ वटा एटिएम संचालनमा छन् ।