पोखरामा केन्द्रीय कार्यालय भएको गरिमा विकास बैंकले 'पहाडदेखि तराईसम्म, शहरदेखि गाउँसम्म' भन्ने नाराका साथ काठमाडौंको सामाखुसीमा २७औं शाखा बिस्तार गरेको छ । शुक्रबार नेपाल राष्ट्र बैंकका निर्देशक एवं बैंक तथा वित्तीय संस्था नियमन विभागका प्रमुख नारायण प्रसाद पौडेलले उक्त शाखाको उद्घाटन गरे ।
यसअघि जेठ ३ गते बैँकले स्याङ्जा जिल्लाको चापाकोटमा आफ्नो २६औं शाखा बिस्तार गरेको थियो । राष्ट्रव्यापी रुपमा सञ्जाल बिस्तारको क्रममा निकट भविष्यमा नै नवलपरासीको बर्दघाटमा २८ औं शाखा बिस्तार गर्ने तयारी भैरहेको जानकारी गराएको छ । अहिले ५ वटा एटीएम काउण्टर सञ्चालनमा रहेको बैंकले आफ्नो मुख्य कार्यालय काठमाण्डौंको नक्सालमा स्थानान्तरणका लागि नेपाल राष्ट्र बैंकबाट स्वीकृति पाईसकेको छ ।