चालू आर्थिक वर्षको तेस्रो त्रैमासमा सोसाईटी डेभलपमेन्ट बैंकले १३ करोड ९६ लाख रुपैयाँ कमाएको खुद मुनाफा आर्जन गरेको छ । बैँकको मुनाफा गत आर्थिक वर्षको तुलनामा १३३.८४ प्रतिशतले बढेको हो । गत आर्थिक वर्षको सोहि अवधिमा बैँकले ५ करोड ९७ लाख रुपैयाँ मुनाफा कमाएको थियो ।
निक्षेपमा गत वर्षको सोहि अवधिको तुलनाभन्दा ३२.०३ प्रतिशतले वृद्धि गरी ६ अर्ब ४७ करोड ५३ लाख रुपैयाँ संकलन गरेको बैँकले कर्जामा ५ अर्ब ४२ करोड ८० लाख रुपैयाँ लगानी गरेको छ । बैंकको खुद व्याज आम्दानी ११.०२ प्रतिशतले बढेर १९ करोड ९३ लाख रुपैयाँ पुगेको छ । त्यस्तै गरी सञ्चालन मुनाफा ०.४९ प्रतिशतले घटेर ५ करोड ६९ लाख रुपैयाँ पुगेको छ । बैंकले प्रोभिजनमा १ करोड ६६ लाख रुपैयाँ राखेको छ भने ९ करोड १८ लाख रुपैयाँ खराब कर्जा उठाएको छ । ८९ करोड ७९ लाख रुपैयाँ चुक्ता पुँजी भएको बैंकले ४ लाख १५ हजार रुपैयाँ जगेडाकोषमा राखेको छ ।
बैंकको प्रतिशेयर आम्दानी वार्षिक २०.७४ रुपैयाँ रहेको छ भने प्रतिशेयर नेटवर्थ १४.६३ रुपैयाँ रहेको छ । बैंकको निस्कृय कर्जा ०.९७ प्रतिशत रहेको छ भने जोखिमयुक्त सम्पत्ति १३.५३ प्रतिशत रहेको छ ।
