चालू आर्थिक वर्षको तेस्रो त्रैमासमा जनता बैंकको खुद मुनाफा अघिल्लो वर्षको तुलनामा ६८.६५ प्रतिशत ले बढेको छ । बैँकले २२ करोड ६६ लाख रुपैयाँ नाफा कमाएको हो । गत वर्षको सोही अवधिमा बैँकले १३ करोड ४६ लाख रुपैयाँ मुनाफा कमाएको थियो । २ अर्ब ६ करोड रुपैयाँ चुक्ता पुँजी भएको बैंकले जगेडाकोषमा ५२ करोड रुपैयाँ राखेको छ । निक्षेपमा ४.७६ प्रतिशत वृद्धि गरी २२ अर्ब ८९ करोड ९५ लाख रुपैयाँ संकलन गरेको छ भने कर्जा प्रवाहमा १९ अर्ब ६१ करोड ३२ लाख रुपैयाँ लगानी गरेको छ । जुन अघिल्लो वर्षको तुलनामा कर्जा ५.५५ प्रतिशतले बढी हो । त्यस्तै, बैँकको खुद व्याज आम्दानी १३.१९ प्रतिशतले बढेर ५३ करोड २५ लाख रुपैयाँ पुगेको छ भने सञ्चालन मुनाफा ३ गुणाले बढेर ३० करोड २४ लाख रुपैयाँ पुगेको छ । बैंकले प्रोभिजनमा ८ करोड रुपैयाँ राखेको छ भने ५ करोड २८ लाख रुपैयाँ खराबकर्जा उठाउन सफल भएको छ । जनता बैंकको तेस्रो त्रैमासमा प्रति शेयर आम्दानी १४.६७ रुपैयाँ रहेको छ भने मुल्य आम्दानीेको अनुपात २६ गुणा रहेको छ । प्रति शेयर नेटवर्थ १२५.४५ रुपैयाँ रहेको छ भने तरलता अनुपात २४.९१ प्रतिशत रहेको छ । निष्कृय कर्जा ०.१४ प्रतिशतले बढेर १.२३ प्रतिशत र जोखिमयुक्त सम्पति ०.७७ प्रतिशले बढेर १२.३२ प्रतिशत पुगेको छ ।
