आरम्भ माइक्रोफाइनान्स वित्तीय संस्था लिमिटेडको तेस्रो वार्षिक साधारण सभा संस्थाको केन्द्रीय कार्यालय बनेपा काभ्रेपलाञ्चोकमा सम्पन्न भएकोे छ । वित्तीय संंस्थाका अध्यक्ष दिपक तिवारीको सभापतित्व तथा उद्घाटनमा सम्पन्न साधारण सभाले आर्थिक वर्ष २०७३÷०७४ को वार्षिक प्रतिवेदन तथा वित्तीय विवरणहरु पारित गरेको छ । साथमा सभाले आ. व २०७४/०७५ का लागि लेखापरीक्षक समेत नियुक्त गरेको छ ।
संस्थाको जारी पूँजीमध्ये सर्वसाधारण समुहका लागि छुट्याईएको ४९ प्रतिशत अर्थात दुई लाख ९४ हजार कित्ता सेयर सर्वसाधारणमा निष्काशन गर्ने सम्बन्धी प्रस्ताव समेत साधारणसभाबाट सर्वसम्मतिले पारित गरिएको छ । यसका साथै सभाले संस्थाको कार्यक्षेत्र विस्तार गर्ने र प्रबन्धपत्र तथा नियमावलीमा आवश्यक संशोधन गर्ने लगायतका प्रस्तावहरु समेत पारित गरेको छ ।
आरम्भ माइक्रोफाइनान्सले १६ वटा शाखा कार्यालयहरु संचालनमा ल्याई २०७४ असोज मसान्त सम्ममा ९८०० घर परिवारलाई लघुवित्तीय सेवाहरु प्रदान गरेको संस्थाका प्रमुख कार्यकारी अधिकृत विनोद आचार्यले बताए । संस्थाले हालसम्म रु. ५ करोड ६० लाख रकम बचत संकलन गरी संस्थाको लगानीमा बाँकी रहेको कर्जा रकम रु. ३३ करोड ५२ लाख रहेको बताइएको छ ।
