साइन रेसुंगा डेभलपमेन्ट बैंक लिमिटेडले पाल्पाको तानसेन, दाङको घोराही तथा अर्घाखाँचीको खनदहमा नयाँ शाखा कार्यालय सञ्चालनमा ल्याएको छ । यो संगै बैंकको ८ जिल्लामा १९ वटा शाखा कार्यालय, दुईवटा एक्सटेन्सन काउन्टर पुगेको जनाएको छ । चुक्ता पुँजी ८० करोड ४१ लाख रुपैयाँ पुगेको यस बैंकको चैत मसान्तसम्ममा निक्षेप परिचालन सात अर्ब २५ करोड, कर्जा लगानी ६ अर्ब ५३ करोड र सञ्चालन मुनाफा २९ करोड ५४ लाख रहेको बैंकले जनाएको छ । प्युठानको बिजुवारमा केन्द्रीय कार्यालय रहेको गौमुखी बिकास बैंक लिमिटेडसँगको मर्जर प्रकृया अन्तिम चरणमा पुगेको पनि बैंकले जानकारी दिएको छ ।
