मिडिया ईन्टरनेसनल अनामनगर र www.bankingkhabar.com अनलाईनको सयुक्त आयोजनामा ३ दिने बैंकिङ पत्रकारीता तालिम सञ्चालन भइरहेको छ । तालिमको दोश्रो दिन बिहिवार राष्ट्र बैंकका उपनिर्देशक बिभु अर्यालले राष्ट्र बैंक र यसको काम कारबाहिका बारेमा प्रशिक्षण दिए ।
मिडिया ईन्टरनेसनलको सभाहलमा बुधबारदेखि सुरु भएको तालिममा विभिन्न सञ्चार माध्यमबाट गरी दुई दर्जन बढि पत्रकारहरुले सहभागिता जनाएका छन् ।
तालिमको शुभारम्भ गर्दै मिडिया ईन्टरनेसनलका अध्यक्ष माधव निर्दोषले पछिल्लो समयको विश्व परिवेशमा पत्रकारीता विशिष्टीकृत हुँदै गएको र त्यसको प्रभाव नेपालमा पनि परेको बताएका थिए । बैंकिङ पत्रकारीतामा सुनिएका शब्दावली सान्दर्भिक लागे तापनि पत्रकार स्वयम्ले यस्ता शब्दावली बुझेपछि मात्र उत्कृष्ट रिपोर्टिङ गर्न सक्ने भएकोले तालिम जरुरी भएको उनको भनाई छ ।
