सेञ्चुरी कमर्सियल बैंक लिमिटेड र एस रेमिटबीच रेमिट्यान्सले भुक्तानी सम्बन्धी सम्झौता गरेका छन् ।सेञ्चुरी कमर्सियल बैंक लिमिटेडका सम्पूर्ण शाखा कार्यालयबाट एस रेमिटको र एस रेमिटका सम्पूर्ण एजेन्टहरुबाट सेञ्चुरी रेमिटको भुक्तानी लिन सकिने गरि दुई कम्पनीले सम्झौता गरेका हुन् ।
बैंकले आर्थिक वर्ष २०७२/७३ को पौस मसान्तसम्म २४ अर्ब ८ करोड कुल निक्षेप संकलन गरी २० अर्ब ८४ करोड कर्जा परिचालन गरेको जनाएको छ ।सो अवधिमा १६ करोड ८ लाख रुपैयाँ खुद मुनाफा आर्जन गर्न सफल भएको पनि जानकारी बैंकले दिएको छ । अहिलेसम्म बैंकले ३१ शाखा, २८ एटीएम, ८ शाखारहित बैंकिङ सेवा र दुईटा एक्स्टेन्सन् काउन्टरबाट सेवा दिदै आएको छ ।
