बैंक अफ काठमाण्डू लुम्बिनी लिमिटेडले चालु आर्थिका वर्षको दोस्रो त्रैमासमा ६० करोड १४ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ८२ दशमलव ७० प्रतिशत बढी नाफा कमाएको हो । गत आर्थिक वर्षको दोस्रो त्रैमासमा बैंक अफ काठमाण्डू लुम्बिनीले ३२ करोड ९१ लाख रुपैयाँ मुनाफा आर्जन गरेको थियो ।
बैंक अफ काठमाण्डू र लुम्बिनी बैंक एक आपसमा गाभिएर बनेको बैंकको चुक्ता पूँजी पाँच अर्ब ६२ करोड ९५ लाख रुपैयाँ पुगेको छ । बैंकले निक्षेपमा ७० दशमलव ७३ प्रतिशतले वृद्धि गरी ७० अर्ब रुपैयाँ संकलन गरेको छ । त्यस्तै, बर्जातर्फ ९३ दशमलव ७५ प्रतिशतले वृद्धि गरी ६२ अर्ब ७८ करोड ८९ लाख रुपैयाँ लगानी गरेको छ । बैंकको खुद व्याज आम्दानी ८७ दशमलव ८० प्रतिशतले बढेर एक अर्ब ३० करोड ९८ लाख रुपैयाँ पुगेको छ भने सञ्चालन मुनाफा ७३ प्रतिशतले बढेर ८६ करोड ५९ लाख रुपैयाँ पुगेको छ ।
बैंकको निष्कृय कर्जा दुई दशमलव ४२ प्रतिशतले घटेर एक दशमलव ५१ प्रतिशत कायम भएको छ भने जोखिमयुक्त सम्पत्ति शुन्य दशमलव ८४ प्रतिशतले घटेर १३ दशमलव ०९ प्रतिशत कायम भएको छ । यो अवधिमा छ करोड छ लाख रुपैयाँ खराब कर्जा उठाएको बैंकले जगेडाकोषमा दुई अर्ब ७५ करोड २६ लाख रुपैयाँ र प्रोभिजनमा १५ करोड ४७ लाख रुपैयाँ राखेको छ । बैंकको प्रतिसेयर आम्दानी वार्षिक २१ दशमलव ३७ रुपैयाँ, मुल्य आम्दानीको अनुपात वार्षिक २८ दशमलव ७४ गुणा, प्रतिसेयर नेटवर्थ एक सय ४८ दशमलव ५७ रुपैयाँ र तरलता अनुपात २५ दशमलव ६५ प्रतिशत रहेको छ ।
