बैंकिङ खबर / सिटिजन्स बैंक इन्टरनेसनलले गत आर्थिक वर्षको नाफाबाट सेयरधनीलाई ४ प्रतिशत लाभांश वितरण गर्ने प्रस्ताव गरेको छ ।
बैंकको भदौ ३१ गते बसेको ५२१औँ सञ्चालक समिति बैठकले चुक्ता पुँजीको ३.८० प्रतिशत बोनस सेयर र कर प्रयोजनका लागि ०.२० प्रतिशत नगद लाभांश वितरण गर्ने निर्णय गरेको हो ।
यसअनुसार बैंकका सेयरधनीले ३.८० प्रतिशत बोनस सेयर प्राप्त गर्नेछन् भने ०.२० प्रतिशत नगद लाभांश कर प्रयोजनमा रहनेछ। बैंकले कुल ४ प्रतिशत लाभांश वितरण गर्ने प्रस्ताव गरेको हो ।
प्रस्तावित लाभांश वितरणका लागि भने नियामकीय तथा संस्थागत प्रक्रिया पूरा गर्नुपर्नेछ। बैंकको प्रस्तावलाई नेपाल राष्ट्र बैंकले स्वीकृति दिएपछि आगामी वार्षिक साधारण सभामा पेस गरिनेछ ।
साधारण सभाबाट प्रस्ताव पारित भएपछि मात्र सेयरधनीलाई लाभांश वितरण गरिने बैंकले जनाएको छ ।
