बैंकिङ खबर / एनसेलले स्मार्टको सामान खरिदको सम्झौता कानुनअनुसार हुन नसकेको भन्दै नेपाल इन्भेष्टमेण्ट मेगा बैंकलाई तिरेको रकम फिर्ता मागेको छ । एनसेलले स्मार्ट टेलिकमको सामग्री लिलाम बिक्रीमार्फत खरिद गरेको विभिन्न दूरसञ्चार उपकरण लगायतका सामग्रीबापत नेपाल इन्भेष्टमेण्ट मेगा बैंकलाई तिरेको रकम फिर्ता गर्न बैंकलाई पत्राचार गरेको छ । एनसेलले बैंकलाई पठाएको पत्रमा स्मार्टको सामग्री लिलाम सकारका क्रममा बैंकको खातामा भुक्तानी गरेको ४ अर्ब ६० करोड रुपैयाँ फिर्ता गरी सोको लिखित जानकारी गराउन माग गरिएको छ ।
