बैंकिङ खबर / मन्त्रिपरिषद् बैठकले नेपाल राष्ट्र बैंकको डेपुटी गभर्नरमा किरण पण्डितलाई नियुक्त गरेको छ । मंगलबार बसेको मन्त्रिपरिषद् बैठकले नेपाल राष्ट्र बैंकको डेपुटी गभर्नरमा किरण पण्डितलाई नियुक्त गरेको हो । २५ फागुनमा तत्कालीन डेपुटी गभर्नरद्वय डा. नीलम ढुंगाना तिम्सिना र बमबहादुर मिश्रले पाँच वर्षे कार्यकाल पूरा गरेपछि दुई डेपुटी गभर्नर पद रिक्त रहेको थियो । रिक्त २ जना डेपुटी गभर्नरपद अन्तरगत एकजनालाई मात्र हाल नियुक्ति गरिएको हो । हाल विदेशी विनिमय व्यवस्थापन विभागका कार्यकारी निर्देशकका रूपमा कार्यरत रहेका उनी २०६२ सालमा राष्ट्र बैंक प्रवेश गरेका थिए ।
