प्राइम कमर्सियल बैंकले एसिया प्रशान्त क्षेत्रको उत्कृष्ट बैँकको अवार्ड प्राप्त गरेको छ । बैँकलाई बेलायतको अक्सफोर्ड युनिभर्सिटी अन्तर्गतको युरोप विजनेश एसेम्बली (इबिए)ले यस वर्षको एशिया प्रशान्त क्षेत्रको उत्कृष्ट बैंकको अवार्ड प्रदान गरेको छ । बुधबार लण्डनमा आयोजित कार्यक्रममा बैंकका प्रमुख कार्यकारी अधिकृत नारायणदास मानन्धरलाई उत्कृष्ट बैंक तथा उत्कृष्ट म्यानेजर अवार्ड प्रदान गरिएको हो ।
इबिएले कम्पनीको कार्यसम्पादन, प्रभावकारिता, स्पष्ट दृष्टिकोण र सफल नेतृत्व, सृजनशिलता र नयाँ आविस्कार, उच्च व्यवसायिकता, व्यवस्थापकीय कुशलता, आचरण र संस्थागत सामाजिक उत्तरदायित्वलगायतका विषयमा मूल्याङकन गरी बैंकलाई यो अवार्ड दिएको हो ।
अक्सफोर्ड अन्तर्गत सन् २००० मा स्थापना भएको युरोप बिजनेश एसेम्ब्लीले समाजलाई आर्थिक, वैज्ञानिक, सामाजिक र सांस्कृतिक रुपमा विकास गर्न सहयोग पुर्याउने संस्थालाई यो अवार्ड दिँदै आएको छ ।
