बैंकिङ खबर / बैंकिङ कसुरको विषयलाई लिएर प्रभु बैंकमा सिआइवीले छापा मारेपछि बैंकका लगानीकर्ताहरु निरास भएका छन् । उक्त घटनाले बैंकको करीयरमा प्रभाव पारेको भन्दै उनीहरुले चिन्ता प्रकट गरेका हुन् । सिइओको गल्तीले बैंकलाई असर पर्ने भन्दै केही लगानीकर्ताले आइतबार बैंकिङखबर समक्ष गुनासो गरेका छन् । उनीहरुमध्ये एकजनाको भनाई थियो ‘गल्ती नगरेको भए सिइओ अशोक शेरचन सर किन भाग्नुभयो ? यस घटनाले बैंकको छवि धुमेलीयो ।’ बैंकले धेरै बर्षदेखि बोनस दिन नसकेको भन्दै उनले विक्रि गर्न खोजेको शेयर विक्रि नभएको दुखेसो पनि सुनाए । उता प्रभु बैंकमा सीआइबीले छापा मारेको विषयलाई लिएर आइतबार बैंकबाट रकम झिक्नेको संख्या बढेको छ । बैंकका बारेमा नराम्रो हल्ला फैलीएका कारण सर्बसाधारणले अरुदिन भन्दा धेरै रकम झीकेको हुन सक्ने अनुमान गरिएको छ ।
