लघुवित्तको नाफा झन्डै २१ प्रतिशत वृद्धि : कुनको कति ?

बैंकिङ खबर/ नेपाल स्टक एक्सचेञ्ज(नेप्से) मा सूचीकृत ५० लघुवित्त कम्पनीमध्ये १४ वटाले मात्रै चालु आर्थिक वर्षको दोस्रो त्रैमासिक वित्तीय विवरण सार्वजनिक गरेका छन् ।

विवरण अनुसार लघुवित्तहरुको खुद ब्याज आम्दानी, खुद नाफा, खराब कर्जा नियन्त्रण लगायतका सूचकमा सुधार देखिएको छ । १४ वटा कम्पनीहरु वित्तीय विवरण अनुसार नाफा झन्डै २१ प्रतिशत वृद्धि भएको देखिन्छ । ६ महिनामा कम्पनीहरुले ४७ करोड ८५ लाख रुपैयाँ नाफा कमाएका छन् । समीक्षा अवधिमा सामुदायिक लघुवित्त र इन्फिनिटी लघुवित्त भने ऋणात्मक छन् । अरु कम्पनीहरु भने नाफामै देखिन्छन् ।

६ महिनामा सर्वाधिक नाफा कमाउनेमा ग्रामीण विकास लघुवित्त छ । कम्पनीले १८ करोड १८ लाख ७१ हजार रुपैयाँ खुद नाफा कमाएको छ । दोस्रो सूचीमा रहेको ग्लोबल आइएमई लघुवित्तले ११ करोड ८३ लाख रुपैयाँ नाफा आर्जन गरेको छ ।

ग्लोबल आइएमईसहित आरम्भ चौतारी, हिमालयन, उन्नती सहकार्य, गुराँस लघुवित्त, स्वालम्बन लघुवित्तको नाफामा उछाल आएको छ । यी कम्पनीहरुले नाफा शतप्रतिशत बढाएका छन् ।

समग्र १४ वटा लघुवित्त कम्पनीहरुको खराब कर्जा पनि औसतमा सुधार देखिन्छ । हाल ती कम्पनीहरुको औसत खराब कर्जा ५.४९ प्रतिशत कायम भएको छ । जबकि, गत आवको दोस्रो त्रैमासमा भने ६.२२ प्रतिशत रहेको थियो । आठ वटा कम्पनीहरुको खराब कर्जा अनुपात घटेको छ । तर, पाँच वटा कम्पनीको खराब कर्जा भने सीमाभन्दा माथि छ । सबैभन्दा धेरै आत्मनिर्भर लघुवित्तको १५.०९ प्रतिशत छ ।

यस्तै, इन्फिनिटीको ९.८५ प्रतिशत, स्वावलम्बनको ८.२८ प्रतिशत, हिमालयनको ५.६२ प्रतिशत, धौलागिरीको ५.५० प्रतिशत छ । ५ वटा कम्पनीको खराब कर्जा ४ प्रतिशत माथि छ । दोस्रो त्रैमासमा सपोर्ट लघुवित्तको भने १.७४ प्रतिशत छ ।

Net Profit and Loss of Microfinance (Rs in 000)

Company Name                 Upto Poush 2081                               Upto Poush 2080            Difference %

Swabalamban Laghubitta      80,720                                              41,563                              94.21

Infinity Laghubitta                  (94,622)                                          14,981                               (731.61)

Global IME Laghubitta           118,339                                            47,830                               147.42

Unnati Sahakarya Laghubitta 6,383                                               2,493                                156.04

Himalayan Laghubitta             26,063                                              5,258                                395.68

Samudayik Laghubitta            (10,868)                                           (39,989) 

Grameen Bikash Laghubitta      181,871                                           170,232                                6.84

Dhaulagiri Laghubitta                 2,081                                            (41,483)   

Aarambha Chautari Laghubitta 32,654                                              12,491                                    161.42

Aatmanirbhar Laghubitta        8,431                                                       11,822                                (28.68)

Support Microfinance              15,503                                                      8,642                                 79.39

First Microfinance                       52,30 0                                                  84,914                                (38.41)

RSDC Laghubitta                        44,182                                                     69,304                              (36.25)

Gurans Laghubitta                      15,463                                                       7,728                               100.09

Average                                         478,500                                                   395,786                             20.90