बैंकिङ खबर/ अभियान लघुवित्त वित्तीय संस्थाको ५ औं वार्षिकोत्सवको अवसरमा रक्तदान कार्यक्रम सम्पन्न भएको छ ।काभ्रेपलाञ्चोक जिल्ला, पनौती–४ ढाडोवाटो स्थित संस्थाको केन्द्रीय कार्यालय प्राङ्गणमा आयोजित कार्यक्रम नेपाल रेडक्रस सोसाईटी जिल्ला शाखा बनेपाको प्राविधिक सहयोगमा भएको थियो ।
संस्थाका कर्मचारी, अन्य बैंक तथा वित्तीय संस्थाका कर्मचारी तथा स्थानीय व्यक्तिहरु गरी १९ जनाले रक्तदान गरेको संस्थाले जनाएको छ । कार्यक्रम वित्तीय संस्थाका अध्यक्ष बाबुराम थापाको अध्यक्षतामा सम्पन्न भएको थियो ।
कार्यक्रमलाई सम्बोधन गर्दै अध्यक्ष थापाले वित्तीय संस्था स्थापनाको पाचौं वर्ष पूरा गरी छैटौं वर्षमा प्रवेश गरेको अबसरमा सहयोग पुर्याउने सम्पूर्ण सरोकारवालाहरुलाई धन्यवाद व्यक्त गर्दै संस्थाको उत्तरोत्तर प्रगतिको कामना गरेका थिए ।
त्यसै गरी स्वागत मन्तव्यको क्रममा वित्तीय संस्थाका प्रमुख कार्यकारी अधिकृत तेजेन्द्र शर्मा लम्सालले लघुवित्त क्षेत्रका असल अभ्यासहरूलाई कार्यान्वयन गर्दै आउँदा दिनहरुमा अभियान लघुवित्तलाई उत्कृष्ट लघुवित्त संस्थाको रुपमा परिचित गराउने बताएका थिए । कार्यक्रमको संयोजन तथा संचालन वित्तीय संस्थाका मुख्य प्रबन्धक कृष्ण बहादुर खड्काले गरेका थिए ।
