वोमी माइक्रोफाइनान्स वित्तीय संस्थाले चार हजार सात सय ६८ कित्ता हकप्रद सेयर बोलकबोलबाट विक्रि गर्ने भएको छ । कम्पनीले हकप्रद सेयर जारी गर्दा विक्रि नभएको सेयर आगामी कात्तिक २८ गतेदेखि मंसिर १२ गतेसम्म बोलकबोलबाट विक्रि गर्न लागेको हो ।
कम्पनीले गत भदौ १३ गतेदेखि असोज १६ गतेसम्म दुई बराबर एक अर्थात ५० प्रतिशत हकप्रद निष्काशन तथा बिक्री खुल्ला गरेको थियो । १०० रुपैंया अंकित दरका १ लाख ८० हजार कित्ता हकप्रद निष्काशन गरेकोमा सबै सेयर संख्यामा आवेदन नपरेपछि आवेदन नपरेको सेयर बोलकबोलबाट विक्रि गर्न लागेको कम्पनीले जनाएको छ ।
कम्पनीको शेयर निष्काशन तथा बिक्री प्रबन्धकमा सिद्धार्थ क्यापिटल रहेको छ ।
