बैंकिङ खबर/ कुमारी बैंकले संस्थापक सेयर बिक्री गर्ने भएको छ। बैंकले संस्थापक सेयरधनी महेश सिंह र ललितबहादुर केसीको नाममा भएको कुल १८ हजार ९३२ कित्ता संस्थापक सेयर बिक्री गर्ने भएको हो । जसमा सिंहको नाममा रहेको १७ हजार ९३२ कित्ता र केसीको नाममा रहेको १ हजार कित्ता सेयर बिक्री गर्न लागिएको हो।
सो सेयर खरिदका लागि विद्यमान संस्थापक सेयरधनीहरुले ३५ दिन भित्र आवेदन दिन सक्नेछन्। आवेदन कुमारी क्यापिटल अथवा कुमारी बैंकको केन्द्रिय कार्यालयबाट पेस गर्न सकिन्छ।
सो सेयरको बिक्री मूल्य बिक्रेताले तोके अनुसार हुनेछ। ३५ दिन भित्र संस्थापक सेयरधनीहरुबाट आवेदन नपरे सो सेयर अन्य व्यक्ति तथा संस्थालाई बिक्री गरिने क्यापिटलले जनाएको छ।
