कोरोना प्रभावित विपन्न बर्गलाई १० हजार अनुदान दिने कार्यविधि निर्माण हुँदै

बैंकिङ खबर । सरकारले कोरोना महामारीको प्रभावबाट रोजगारी गुमाएका गरिब तथा विपन्न बर्गलाई दिने भनिएको १० हजार राहत उपलब्ध गराउन कार्यविधि निर्माणमा जुटेको छ । कोरोना महामारीको प्रभावबाट रोजगारी गुमाएका गरिब तथा विपन्न बर्गलाई प्रतिपरिवार १० हजार राहत दिने बजेटमा उल्लेख गरिएको थियो । नयाँ संशोधित बजेटमा उल्लेख भएको राहत उपलब्ध गराउन अर्थ मन्त्रालय कार्यविधि निर्माणमा जुटेको हो । अर्थमन्त्री जनार्दन शर्माले गत २५ भदौमा ल्याएको बजेटमा कोभिड महामारीबाट प्रभावित करिव ५ लाख गरिब र विपन्न परिवारलाई प्रति परिवार १० हजार रुपैयाँ नगद अनुदान दिने उल्लेख गरेका थिए ।