२७ वाणिज्य बैंकको नाफा-घाटा कति ? (रिपोर्ट सहित)

अपेक्षा ढुंगाना । बैंकङ खबर । बैंकहरुले चालु आर्थिक वर्ष २०७७/७८ को दोस्रो त्रैमासको विवरण सार्वजनिक गरेका छन् । २७ वाणिज्य बैंकहरुले नै नाफाको विवरण सार्वजनिक गरिसकेका छन् ।

चालु आर्थिक वर्षको दोस्रो त्रैमासमा सबैभन्दा बढी नाफा कमाउनेमा ग्लोबल आईएमई बैंक २ अर्ब ३१ करोड ५१ लाख रुपैयाँ कमाउँदै शिर्ष स्थानमा रहन सफल भयो भने सिभिल बैंकले केवल २० करोड २९ लाख रुपैँया मात्र आर्जन गर्न सकेको छ । सबै बैंकहरुको नाफा हेर्दा औषतमा १ अर्ब १५ करोड ९ करोड लाख रुपैँया देखिन्छ ।

ग्लोबल आईएमई बैंक :
ग्लोबल आईएमई बैंकले पुस सम्म २ अर्ब ३१ करोड ५१ लाख रुपैयाँ खुद नाफा कमाएको छ । बैंकले अघिल्लो वषको सोही अबधिमा १ अर्ब ६८ करोड ५९ लाख रुपैयाँ खुद नाफा कमाएको थियो । अघिल्लो वर्षको तुलनामा यो ३७.३२ प्रतिशतको वृद्धि हो ।
बैंकको खुद ब्याज आम्दानी ४ अर्ब ७७ करोड १८ लाख रुपैयाँ छ भने संचालन मुनाफा ३ अर्ब २३ करोड ७६ लाख रहेको छ । बैंकको वितरण योग्य मुनाफा १ अर्ब ४३ करोड २० लाख रुपैयाँ रहेको छ ।

एनआईसी एशिया :
एनआइसी एशिया बैंकले २ अर्ब ६ करोड ५ लाख नाफा कमाएको छ । बैंकले चालु आर्थिक वर्षको पुस मसान्तमा २ खर्ब ७७ अर्ब ३० करोड रुपैयाँ निक्षेप संकलन गरेको छ भने २ खर्ब ३३ अर्ब ८ करोड रुपैयाँ कर्जा प्रवाह गरेको छ ।

नबिल बैंक :
नबिल बैंकले २ अर्ब १ करोड ६० लाख रुपैंया खुद नाफा कमाएको छ । बैंकको नाफा गत आवको सोही अवधिको भन्दा कम हो । बैंकले गत आवको सोही अवधीमा २ अर्ब ४ करोड १८ लाख रुपैया बराबरको खुद नाफा कमाएको थियो । १३ अर्ब ४८ करोड रुपैयाँ चुक्तापूँजी रहेको बैंकको वितरण योग्य नाफा १ अर्ब ८४ करोड रुपैंया छ । बैंकको खुद ब्याज आम्दानी ३ अर्ब १२ करोड २६ लाख रुपैंया बराबर रहेको छ भने बैंकको निक्षेप संकलन १ खर्ब ९० अर्ब रुपैयाँबाट बढेर २ खर्ब रुपैयाँमा पुगेको छ । यस्तै, कर्जा लगानी १ खर्ब ४८ अर्ब रुपैयाँबाट १ खर्ब ७० अर्ब रुपैयाँ पुगेको छ ।

प्राइम कर्मशियल बैंक :
प्राइम कर्मशियल बैंकले पुस मसान्तसम्म रु. १ अर्ब ८१ करोड ३३ लाख २९ हजार खुद नाफा कमाएको छ । बैंकले गत आवको सोही अवधीमा १ अर्ब ३० करोड ७ लाख खुद नाफा कमाएको थियो । १ खर्ब ३० अर्ब ९९ करोड ५२ लाख निक्षेप संकलन गरेको बैंकको वित्तरणयोग्य नाफा भने १ अर्ब २६ करोड ४२ लाख ५२ हजार रुपैयाँ रहेको छ । यस्तैर्, बैंकले रु. १ खर्ब १९ अर्ब २७ करोड ४४ लाख कर्जा प्रवाह गरेको छ ।
१६ अर्ब ८ करोड ३० लाख चुक्तापुँजी रहेको बैंककोे प्रति शेयर आम्दानी २२.५५ रुपैयाँ रहेको छ ।

राष्ट्रिय वाणिज्य बैंक :
राष्ट्रिय वाणिज्य बैंकले चालु आर्थिक वर्षको पुस मसान्तसम्म रु. १ अर्ब ७४ करोड ८८ लाख बराबरको खुद नाफा कमाएको छ । गत आवको सोही अवधीसम्म बैंकले २ अर्ब २० करोड ९४ लाख बराबरको खुद नाफा कमाएको थियो । बैकको यो नाफा रकम गत आवको सोही अवधीको तुलना रु ४६ करोड ६ लाख अर्थात २१ प्रतिशतले कम हो । यस बैंकले चालु आर्थिक वर्षको दोस्रो त्रैमासमा रु ३ अर्ब ९१ करोड २ लाख खुद ब्याज आम्दानी कमाएको छ । यस्तै, बैंकले रु २ खर्ब ४१ अर्ब ४९ करोड ६८ लाख निक्षेप संकलन गरेको छ भने रु १ खर्ब ६२ अर्ब ६८ करोड ७५ लाख कर्जा लगानी गरेको छ । चुक्ता पूँजी रु ९ अर्ब ४७ लाख ९५ हजार ७०० रुपैयाँ रहेको छ भने जगेडा कोषमा १३ अर्ब ८९ करोड ६२ लाख रुपैयाँ रहेको छ । बैंकको प्रतिशेयर आम्दानी ३८.८४ रुपैयाँ छ ।

एनएमबी बैंक :
एनएमबी बैंकले चालु आर्थिक बर्षको पुस मसान्तसम्म रु. १ अर्ब ६१ करोड ४० लाख खुद नाफा कमाएको छ । बैंकले गत आवको सोही अवधीमा १ अर्ब ९ करोड २७ लाख खुद नाफा कमाएको थियो । वित्तरणयोग्य नाफा १ अर्ब ५० करोड ९७ लाख रहेको बैंकले समिक्षा अवधीसम्ममा १ खर्ब ४२ अर्ब ५६ करोड ६६ लाख निक्षेप संकलन गरेको छ । यस्तै, चुक्तापुँजी रु. १४ अर्ब ४४ करोड ७७ लाख रहेको छ भने रु. १ खर्ब ३७ अर्ब २९ करोड २० लाख कर्जा प्रवाह गरेको छ ।

नेपाल इन्भेष्टमेन्ट बैंक :
नेपाल इन्भेष्टमेन्ट बैंकले १ अर्ब ५८ करोड ६६ लाख नाफा कमाएको छ । बैंकको वितरणयोग्य नाफा ४९ करोड ३८ लाख ३८ हजार रुपैयाँ छ । बैंकले १ खर्ब ३८ अर्ब १ करोड ९६ लाख १६ हजार रुपैयाँ कर्जा प्रवाह गरेको छ भने बैंकको चुक्तापूँजी १४ अर्ब २४ करोड ८९ लाख ५५ हजार रुपैयाँ छ ।

प्रभु बैक :
प्रभु बैकले ६ महिनामा डेढ अर्ब नाफा कमाएको छ । बैंकले चालु आ.व. को दोस्रो त्रैमाससम्म १ अर्ब ५१ करोड ८७ लाख रुपैंया बराबरको खुद नाफा कमाएको हो । बैंकले गत वर्ष सोही अवधिमा १ अर्ब ८ करोड ५७ लाख नाफा कमाएको थियो । जुन ३९.८७ प्रतिशतको वृद्धि हो । बैंकले सो अवधिसम्म ३ अर्ब ८३ करोड ५१ लाख ४३ हजार रुपैयाँ कुल सञ्चालन आम्दानी गरेको छ । यस अवधिमा बैंकको निक्षेप २५.८५ प्रतिशतले वृद्धि भएको छ । यस्तै, बैंकको प्रतिसेयर आम्दानी २६.७७ रुपैयाँ देखिएको छ । ११ अर्ब ३४ करोड रुपैयाँ चुक्ता पूँजी रहेको यस बैंकको जगेडा कोषमा ४ अर्ब १८ करोड ६१ लाख रुपैयाँ छ ।

नेपाल बैंक :
नेपाल बैंक लिमिटेडले चालु आर्थिक वर्षको पुस मसान्तसम्म १ अर्ब ३५ करोड ४ लाख रुपैयाँ नाफा कमाएको छ । गत आर्थिक वर्षको सोही अवधिसम्ममा बैंकले १ अर्ब ३५ करोड २३ लाख रुपैयाँ खुद नाफा कमाएको थियो । गत आर्थिक वर्षको सोही अवधिको तुलनामा यो १९ लाख ७३ हजार रुपैयाले कम हो । यस अवधिसम्ममा बैंकको वितरण योग्य मुनाफा ६७ करोड ८२ लाख रुपैंयाँ रहेको छ, भभने बैंकको खुद ब्याज आम्दानी २ अर्ब ९७ करोड १३ लाख रुपैंयाँ पुगेको छ ।
बैंकको निक्षेप १ खर्ब ४८ अर्ब पुगेको छ भने कर्जा लगानी १ खर्ब १६ अर्ब रुपैयाँ पुगेको छ ।

कृषि विकास बैंक :
कृषि विकास बैंकको वित्तीय विवरण अनुसार पुस मसान्तसम्म बैंकले १ अर्ब ३२ करोड १७ लाख खुद नाफा आर्जन गरेको छ । गत वर्षको सोही अवधिसम्म बैंकको नाफा १ अर्ब ५८ करोड १७ लाख २७ हजार रुपैयाँ थियो । चुक्ता पूँजी १६ अर्ब ४२ करोड २६ लाख ४१ हजार रुपैयाँ रहेको बैंकको वितरण योग्य नाफा भने ८० करोड ९५ लाख ८८ हजार रुपैयाँ रहेको छ । पुस मसान्तसम्म बैंकको सञ्चालन नाफा १ अर्ब ८९ करोड ४७ लाख रहेको छ । पुस मसान्तसम्म बैंकले १ खर्ब ३२ अर्ब ४८ करोड ५१ लाख ४५ हजार कर्जा प्रवाह गरेको छ ।

मेगा बैंक नेपाल :
मेगा बैंकले पुस मसान्तसम्म १ अर्ब ३० करोड ४४ लाख ७१ हजार खुद नाफा गरेको छ । गत वर्ष यस अवधिसम्म बैंकले ९५ करोड २ लाख ४ हजार रुपैयाँ नाफा आर्जन गरेको थियो । बैंकको खुद नाफा ३७.२८ प्रतिशतले बृद्धि भएको हो । पुस मसान्तसम्म बैंकले १ खर्ब २८ अर्ब ६२ करोड ४२ लाख ८५ हजार निक्षेप संकलन गरेको छ भने १ खर्ब २३ अर्ब ३९ करोड ५८ लाख ३३ हजार कर्जा प्रवाह गरेको छ ।
१ अर्ब ८२ करोड ८४ लाख ५१ हजार रुपैयाँ सञ्चालन नाफा गरेको बैंकको चुक्तापूँजी १४ अर्ब ६६ करोड ४९ लाख ६४ हजार रुपैयाँ रहेको छ भने बैंकको वितरणयोग्य नाफा ६८ करोड १३ लाख २० हजार रुपैयाँ रहेको छ ।

कुमारी बैंक :
कुमारी बैंकले सुधार गरेको छ । बैंकले ६ महिनामा एक अर्ब २१ करोड ६६ लाख रुपैयाँ नाफा कमाएको छ । गत वर्षको सोही अवधिमा बैंकको नाफा ८० करोड ३० लाख रुपैयाँ नाफा रहेको थियो ।

सानिमा बैंक :
सानिमा बैंकको नाफा घटेको छ । बैंकको नाफा ७.३७ प्रतिशतले घटेको हो । यस बैंकले चालु आर्थिक वर्षको दोस्रो त्रैमासमा १ अर्ब ६ करोड २८ लाख नाफा कमाएको छ । गत आर्थिक वर्षमा बैंकले १ अर्ब १४ करोड ७४ लाख खुद नाफा कमाएको थियो । यस्तै, बैंकको खुद ब्याज आम्दानी समेत घटेको छ । बैंकको २ अर्ब १६ करोडको आम्दानी एक अर्ब ९९ करोडमा झरेको हो । समीक्षा अवधिमा बैंककोे सञ्चालन मुनाफा ७.२८ प्रतिशत घटेर १ अर्ब ५० करोड रुपैयाँमा झरेको छ । यस अवधिमा बैंकले १ खर्ब १० अर्ब २४ करोड १४ लाख निक्षेप संकलन गरेको छ भने १ खर्ब १ अर्ब ५४ करोड १९ लाख कर्जा प्रवाह गरेको छ ।

एभरेष्ट बैंक :
एभरेष्ट बैंकले पुस मसान्तसम्म ९६ करोड १९ लाख रुपैंया खुद नाफा कमाएको छ । बैंकले गत आ.व.को सोही अवधीसम्म १ अर्ब ५० करोड ९८ लाख रुपैंया बराबरको खुद नाफा कमाएको थियो । बैंकको नाफामा ३६.२९ प्रतिशत कमी आएको हो । यस अवधिमा बैंकको वितरण योग्य मुनाफा ६७ करोड ५६ लाख रुपैयाँ रहेको छ । ८ अर्ब ९३ करोड ३७ लाख रुपैयाँ चुक्ता पूँजी रहेको यस बैंकको जगेडा कोषमा ८ अर्ब ४७ करोड ५२ लाख रुपैयाँ रहेको छ ।

सनराइज बैंक :
सनराइज बैंकले ९४ करोड ९४ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिसम्ममा बैंकले ९४ करोड ४३ लाख रुपैयाँ खुद नाफा कमाएको थियो । गत आर्थिक वर्षको सोही अवधिको तुलनामा यो ०.५३ प्रतिशतको बृद्धि हो । यस अवधिसम्ममा बैंकको वितरणयोग्य मुनाफा २१ करोड ३३ लाख रुपैयाँ रहेको छ भने खुद ब्याज आम्दानी १ अर्ब ८१ करोड रुपैयाँमा सीमित भएको छ । बैंकको निक्षेप ९२ अर्ब ४० करोड रुपैयाँ पुगेको छ भने कर्जा ८६ अर्ब ९६ करोड रुपैयाँ पुगेको छ ।

नेपाल बंगलादेश बैंक :
नेपाल बंगलादेश बैंकले ९४ करोड १३ लाख रुपैयाँ नाफा कमाएको छ । बैंकको खुद ब्याज आम्दानी एक अर्ब ३५ करोडबाट घटेर एक अर्ब २४ करोडमा आएको छ । बैंकको निक्षेप ६६ अर्ब ४३ करोडबाट ७० अर्ब ८ करोड पुगेको छ ।

सिद्धार्थ बैंक :
सिद्धार्थ बैंकले पुस मसान्तसम्म रु. ९१ करोड ८७ लाख खुद नाफा कमाएको छ । बैंकले गत आवको सोही अवधीमा १ अर्ब २ करोड ६५ लाख खुद नाफा कमाएको थियो ।१ खर्ब ५७ अर्ब ७९ करोड १४ लाख निक्षेप संकलन गरेको बैंकले १ खर्ब ३८ अर्ब ३६ करोड ८७ लाख कर्जा प्रवाह गरेको छ । बैंकको चुक्तापुँजी रु. ९ अर्ब ७८ करोड ७७ लाख रहेको बैंकको प्रति शेयर आम्दानी १८.८२ रुपैयाँ रहेको छ ।

सिटिजन्स बैंक  :
सिटिजन्स बैंकको चालु आर्थिकको दोस्रो त्रैमास वित्तीय विवरण अनुसार बैंकले ८७ करोड ५२ लाख रुपैयाँ नाफा कमाएको छ । बैंकले गत वर्षको सो अवधिमा ३३ करोड ८५ लाख नाफा गरेको थियो । बैंकको खुद ब्याज आम्दानी एक अर्ब ६१ करोड रुपैयाँ पुगेको छ । बैंकको निक्षेप एक खर्ब ४ अर्ब नाघेको छ भने ऋण लगानी ८७ अर्ब ८७ करोड रुपैयाँ पुगेको छ ।

लक्ष्मी बैंक :
लक्ष्मी बैंकले ८० करोड ७१ लाख खुद नाफा कमाएको छ । बैंकले पुस मसान्तसम्म आइपुग्दा १ खर्ब ६ अर्ब ४४ करोड रुपैयाँ निक्षेप संकलन गरेको छ भने ९५ अर्ब ५१ करोड रुपैयाँ कर्जा प्रवाह गरेको छ ।

माछापुच्छ्रे बैंक :
माछापुच्छ्रे बैंकले पुस मसान्तसम्म बैंकले ८० करोड २८ लाख खुद नाफा कमाएको छ । गत वर्षको सोही अवधीसम्म बैंकले ८२ करोड १८ लाख ५० हजार रुपैंया बराबरको नाफा कमाएको थियो । ९ अर्ब ५ करोड ३० लाख रुपैयाँ चुक्ता पूँजी रहेको यस बैंकको जगेडा कोषमा २ अर्ब ४६ करोड २१ लाख रुपैयाँ रहेको छ ।
बैंकको निक्षेप १ खर्ब १८ अर्ब २३ करोड रुपैयाँ पुगेको छ भने बैंकको खुद ब्याज आम्दानी १ अर्ब ९८ करोड ८४ लाख पुगेको छ । यस्तै, बैंकको कर्जा लगानी १ खर्ब ३ अर्ब ९२ करोड रुपैयाँ पुगेको छ ।

स्ट्याण्डर्ड चार्टर्ड बैंक :
स्ट्याण्डर्ड चार्टर्ड बैंकले ७२ करोड ७६ लाख ३९ हजार खुद नाफा कमाएको छ । बैंकले गत आवको सोही अवधीमा १ अर्ब २२ करोड ६९ लाख खुद नाफा कमाएको थियो । बैंकले ८३ अर्ब ५० करोड ८५ लाख निक्षेप संकलन गरेको छ भने ५३ अर्ब १२ करोड ४८ लाख कर्जा प्रवाह गरेको छ । ८ अर्ब ५७ करोड २२ लाखे चुक्तापुँजी रहेको बैंकको वित्तरणयोग्य नाफा भने ६१ करोड ६४ लाख ३३ हजार रुपैयाँ रहेको छ ।

बैंक अफ काठमाण्डू :
बैंक अफ काठमाण्डूले ७० करोड ८५ लाख खुद नाफा कमाएको छ । बैंकले पुस मसान्तमा आइपुग्दा ९५ अर्ब २५ करोड रुपैया निक्षेप संकलन गरेको छ भने ९१ अर्ब ५१ करोड रुपैयाँ कर्जा प्रवाह गरेको छ ।

हिमालयन बैंक :
हिमालयन बैंकले पुसमसान्त सम्म ६५ करोड ३३ लाख खुद नाफा कमाएको छ । १० अर्ब ६८ करोड रुपैयाँ रहेको बैंकको जगेडा कोषमा ५ अर्ब ९८ करोड रुपैयाँ रहेको छ । बैंकको निक्षेप संकलन १ खर्ब २५ अर्ब रुपैयाँबाट बढेर १ खर्ब २९ अर्ब रुपैयाँमा पुगेको छ भने कर्जा लगानी १ खर्ब १ अर्ब रुपैयाँबाट १ खर्ब ९ अर्ब रुपैयाँ पुगेको छ ।

एनसीसी बैंक :
नेपाल क्रेडिट एण्ड कमर्स बैंकले चालु आवको पुुसमसान्तसम्म ६१ करोड ४० लाख नाफा कमाएको छ । बैंकले गत आवको सोही अवधीसम्म ७५ करोड ६३ लाख ४८ हजार नाफा कमाएको थियो । गत आवको सोही अवधीसम्मको तुलना बैंकको खुद नाफा १८.८१ प्रतिशतले कम हो । बैंकको हाल वितरण योग्य नाफा ४१ करोड ६६ लाख ७५ हजार रहेको छ । चुक्ता पूँजी ९ अर्ब ३५ करोड रुपैयाँ रहेको बैंकको जगेडा कोषमा ३ अर्ब ६ करोड रुपैयाँ रहेको छ ।

नेपाल एसबीआई बैंक :
नेपाल एसबीआई बैंकले रु. १ अर्ब ८७ करोड १७ लाख ९७ हजार खुद नाफा कमाएको छ । बैंकले गत आवको सोही अवधीमा २ अर्ब ६५ करोड ९५ लाख खुद नाफा कमाएको थियो । १ खर्ब ३ अर्ब २४ करोड ६५ लाख निक्षेप संकलन गरेको बैंकको वित्तरणयोग्य नाफा१४ करोड ११ लाख २१ हजार रुपैयाँ रहेको छ ।
८ अर्ब ९५ करोड ६२ लाख चुक्तापुँजी रहेको बैंकको प्रति शेयर आम्दानी ११.५० रुपैयाँ रहेको छ ।

सेञ्चुरी बैंक :
सेञ्चुरी बैंकले ४६ करोड ६६ लाख खुद नाफा कमाएको छ । बैंकले पुस मसान्तसम्म आइपुग्दा ८६ अर्ब २५ करोड रुपैयाँ निक्षेप संकलन गरेको छ भने ७२ अर्ब ३ करोड रुपैयाँ कर्जा प्रवाह गरेको छ ।

सिभिल बैंक : 
सिभिल बैंकले २० करोड २९ लाख खुद नाफा कमाएको छ । बैंकले पुस मसान्तसम्म ७७ अर्ब ७३ करोड रुपैयाँ निक्षेप संकलन गरेको छ । यस्तै बैंकले ६८ अर्ब १ करोड रुपैयाँ कर्जा प्रवाह गरेको छ ।