गत आर्थिक वर्षको चौथो त्रैमासमा सानिमा बैंकले १ अर्ब ४ करोड ५५ लाख रुपैयाँ खुद मुनाफा आर्जन गरेको छ । बैंकले अघिल्लो वर्षको तुलनामा ६७ दशमलव ४६ प्रतिशतले बढी मुनाफा कमाएको हो । अघिल्लो वर्षको सोही अवधिमा बैंकले ६२ करोड ४१ लाख रुपैयाँ मुनाफा आर्जन गरेको थियो ।
४ अर्ब रुपैयाँ चुक्ता पुँजी रहेको बैंकको जगेडा कोषमा करिब ४ गुणाले वृद्धि गरी १ अर्ब ४१ करोड ५९ लाख रुपैयाँ राखिएको छ । यस अवधिमा बैंकले खराब कर्जा ९९ लाख रुपैयाँ उठाएको छ भने निष्क्रिय कर्जा शुन्य ७ प्रतिशतबाट शुन्य दशमलव २ प्रतिशतमा झरेको छ।
