सहकारीमा दोहोरो सदस्यता हटाउँदा सहकारी व्यवसाय नराम्ररी प्रभावित बन्ने

बैंकिङ खबर । सहकारीमा दोहोरो सदस्यता हटाउँदा सहकारीको व्यासाय नराम्ररी प्रभावित बन्ने वा यो नीति कार्यान्वयनमा कठिन हुने छ । सहकारीमा आबद्ध रहेका सदस्यहरु एउटै व्यक्ति एकदर्जनसम्म सहकारीका सदस्य छन् । तर हालै एक व्यक्ति एक भन्दा बढी सहकारीको सदस्य हुन नपाईने व्यबस्थाको घोषणा गरिएको छ । सहकारी विभागले सहकारी ऐन, २०७४ मा भएको व्यवस्थाअनुसार कात्तिक १ गतेदेखि दोहोरो सदस्यता अन्त्य गर्नुपर्ने भएको हो । सहकारी ऐन, २०७४ को दफा ३२ को उपदफा १ ९क० मा कुनै व्यक्ति एक स्थानीय तहको एकै प्रकृतिका एकभन्दा बढी संस्थाको सदस्य बन्न नपाउने व्यवस्था रहेको छ । सो ऐन प्रारम्भ हुनुअघि एकभन्दा बढी संस्थाको सदस्य रहे तीन वर्षभित्र एक संस्थाको मात्रै सदस्यता कायम गर्न व्यवस्था गरिएको छ । सहकारी विभागले जारी गरेको सूचनामा सहकारी ऐन, २०७४ मिति २०७४ कात्तिक १ गतेदेखि जारी भएकाले यही असोज मसान्तमा तीन वर्ष पूरा हुने हुँदा पुराना सदस्यहरु पनि दोहोरो सदस्य बस्न नपाएने भएका हुन् । शहरी क्षेत्रका अधिकांश व्यक्तिहरु एउटै प्रकृतिका धेरै सहकारीमा सदस्य रहेका छन् । हाल सहकारीका सदस्यको सङ्ख्या ६५ लाखभन्दा बढी भएको पाण्डेले जानकारी दिए । विवरण अद्यावधिक भएपछि कति व्यक्ति दोहोरो सदस्य छन् भन्ने यकिन हुने उनको भनाइ छ ।