नेपाल पुनर्बिमा कम्पनिले सर्वसाधारणका लागि शेयर निष्काशन गर्ने भएको छ । सरकारी स्वामित्व र बीमा कम्पनीहरुको सहभागीतामा खोलिएको कम्पनीको हालै सम्पन्न पहिलो साधारणसभामा कम्पनीका अध्यक्ष महेश कुमार गुरागाईले सर्वसाधारणमा शेयर जारी गर्ने प्रक्रिया थालनी गरिएको जानकारी दिए । कम्पनीले कम्तिमा तीस प्रतिशत शेयर सर्वसाधारणमा जारी गर्न सक्ने सम्भावना छ ।
साधारणसभाले कम्पनीको अधिकृत र जारी पूँजी बढाउने संचालक समितिको प्रस्ताव पारित गरेको छ । जसअनुसार कम्पनीको अधिकृत पूँजी ५ अर्बबाट १५ अर्ब रुपैयाँ तथा जारी पूँजी ३ अर्बबाट १५ अर्ब रुपैयाँ पुगेको भने कम्पनीको चुक्ता पूँजी ५ अर्ब रुपैयाँ रहेको छ ।
२०७१ सालको कात्तिक २१ गते स्थापना भएको नेपालकै पहिलो पुनर्बिमा कम्पनीमा नेपाल सरकारको ४३ दशमलव ५५ प्रतिशत र बाँकी बीमा र अन्य कम्पनीहरुको शेयर स्वामित्व रहेको छ ।
