सेवा विकास बैंक लिमिटेडले चालू आर्थिक वर्षको दोस्रो त्रैमासमा सात करोड ७२ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा ९२ दशमलव २५ प्रतिशत बढी नाफा कमाएके हो । गत आर्थिक वर्षको दोस्रो त्रैमासमा सेवाले चार करोड आठ लाख रुपैयाँ मुनाफा कमाएको थियो ।
५० करोड ६४ लाख रुपैयाँ चुक्ता पूँजी भएको बैंकले निक्षेपमा २४ दशमलव ०४ प्रतिशतले वृद्धि गरी पाँच अर्ब ४१ करोड ११ लाख रुपैयाँ संकलन गरेको छ । त्यस्तै, कर्जातर्फ २८ दशमलव ४९ प्रतिशत बढाएर चार अर्ब ६५ करोड ८९ लाख रुपैयाँ लगानी गरेको छ । बैंकको खुद व्याज आम्दानी ७४ दशमलव १५ प्रतिशतले बढेर १५ करोड ५७ लाख रुपैयाँ पुगेको छ भने संचालन मुनाफा ८९ दशमलव ०६ प्रतिशतले बढेर १२ करोड १४ लाख रुपैयाँ पुगेको छ ।
निष्कृय कर्जा शुन्य दशमलव ४२ प्रतिशत र जोखिमयुक्त सम्पत्ति १२ दशमलव ४२ प्रतिशत रहेको बैंकले एक करोड ८९ लाख रुपैयाँ प्रोभिजनमा राखेको छ भने जगेडाकोषमा १८ करोड ५४ लाख रुपैयाँ राखेको छ । बैंकको प्रतिसेयर आम्दानी वार्षिक ३० दशमलव ५२ रुपैयाँ, मुल्य आम्दानीको अनुपात १२ दशमलव ७८ गुणा, प्रतिसेयर नेटवर्थ १३६ दशमलव ६१ रुपैयाँ र तरलता अनुपात २८ दशमलव ७७ प्रतिशत रहेको छ ।
