कन्ट्री डेभलपमेन्ट बैंक लिमिटेडले चालु आर्थिक वर्षको दोस्रो त्रैमासमा दुई करोड ३७ लाख रुपैयाँ खुद मुनाफा आर्जन गरेको छ । बैंकले गत आर्थिक वर्षको सोही अवधिको तुलनामा एक सय ५३ दशमलव ५० प्रतिशत बढी नाफा कमाएको हो । गत आर्थिक वर्षको दोस्रो त्रैमासमा कन्ट्रीले ९३ लाख रुपैयाँ मुनाफा कमाएको थियो ।
३५ करोड ६९ लाख रुपैयाँ चुक्ता पूँजी भएको बैंकको निक्षेप गत आर्थिक वर्षको दोस्रो त्रैमासको तुलनामा १६ दशमलव ६७ प्रतिशतले घटेर एक अर्ब ३९ करोड ७६ लाख रुपैयाँ कायम भएको छ । बैंकले कर्जामा एक अर्ब ३९ करोड ८२ लाख रुपैयाँ लगानी गरेको छ । बैंकको खुद व्याज आम्दानी एक सय ३० दशमलव ९४ प्रतिशतले बढेर चार करोड ८६ लाख रुपैयाँ पुगेको छ । त्यस्तै संचालन मुनाफा ४६३ प्रतिशतले बढेर दुई करोड ८३ लाख रुपैयाँ पुगेको छ ।
जोखिमयुक्त सम्पति २८ दशमलव ३६ प्रतिशत र निष्कृय कर्जा दुई दशमलव ६९ प्रतिशत रहेको बैंकले प्रोभिजनमा ६६ लाख रुपैयाँ राखेको छ भने जगेडाकोषमा नौ करोड ५४ लाख रुपैयाँ छुट्याएको छ । यो अवधिमा ८९ लाख रुपैयाँ खराबकर्जा उठाएको बैंकको प्रतिसेयर आम्दानी वार्षिक १३ दशमलव ३२ रुपैयाँ, प्रतिसेयर नेटवर्थ १ सय २६ दशमलव ७४ रुपैयाँ र तरलता अनुपात २९ दशमल १८ प्रतिशत रहेको छ ।
