बैंकिङ खबर / केन्द्रीय बैंकले चिवतन र मकवानपुरमा माइक्रो, साना र मध्यम उद्यमहरूको अध्ययन रिपोर्ट सार्बजनिक गरेको छ । बैंकवित्तबाट परिचालीत यस्तो कर्जाका बारेमा केन्द्रीय बैंकले नमुना अध्ययन गरेको हो । जस अनु्सार आर्थिक समृद्धि र सामाजिक हित अभिवृद्धिमा लघु, साना तथा मझौला उद्योगहरूको भूमिका महत्वपूर्ण रहेको जनाइएको छ । रिपोर्टमा यस्ता उद्योगहरूले रोजगारी सिर्जना, मूल्य अभिवृद्धि, नवप्रवर्तन र सशक्तीकरणका माध्यमबाट आर्थिक तथा सामाजिक लक्ष्य प्राप्तिमा योगदान पु¥याउने उल्लेख छ । नेपालको सन्दर्भमा औद्योगिक प्रतिष्ठानहरूको ९९.८ प्रतिशत हिस्सा ओगट्ने साना, मझौला र मध्यम उद्योगहरु रहेको प्रतिवेदनमा उल्लेख छ । जसमा टोटल जनशक्तिको ८४.७ प्रतिशत संलग्नता उल्लेख गरिएको छ । नेपाल सरकार र नेपाल राष्ट्र बैंकले लघु, साना तथा मझौला उद्योगहरूको स्थापना र प्रवद्र्धनका लागि विभिन्न कार्यक्रमहरू सञ्चालन गर्दै आएको भन्दै प्रतिवेदनमा यस्ता कार्यक्रमहरूको प्रभावकारिता मापन गर्ने कार्य पर्याप्त र नियमित हुन नसकेको उल्लेख छ । नेपाल राष्ट्र बैंक वीरगञ्ज कार्यालयलेविशेष अध्ययन कार्यक्रम अन्तर्गत चितवन र मकवानपुर जिल्लाका ३२१ वटा उद्योगहरूबाट तथ्यांक संकलन गरेको हो ।
