बैंकिङ खबर/ २० हजार रुपैयाँभन्दा कम आम्दानी हुनेमध्ये अधिकांश भारततर्फको रोजगारीमा जाने गरेको पाइएको छ । नेपाल राष्ट्र बैंकले हालै सार्वजनिक गरेको वैदेशिक रोजगार वचतपत्रको स्थिति र प्रर्वद्धनका उपाय बारे गरेको अध्ययन प्रतिवेदनले देखाएको हो ।
वैदेशिक रोजगारीबाट फर्किएका वा विगतमा कम्तीमा एक पटक गएका २७० व्यक्तिमध्ये १८.५ प्रतिशतको आय २० हजारभन्दा कम छ भने करिब ५५ प्रतिशतको । ४० हजारभन्दा बढी रहेको छ । त्यस्तै करिब एक चौथाईको आम्दानी २० देखि ४० हजार रुपैयाँ छ ।
त्यस्तै प्रतिवेदनले रोजगारीको गन्तव्य मुलुक स्थलगत सर्वेक्षणमा समेटिएका कुल ३८५ जना व्यक्तिहरुले विभिन्न ३० मुलकहरुलाई रोजगारीको गन्तव्य बनाएको देखिन्छ । यसमध्ये १२.५ प्रतिशत भारत जान लागेको वा फर्किएका छन् । बाँकी ८७.५ प्रतिशतले भारत बाहेक अन्य मुलुकहरुमा जाने गरेको बताएका छन् ।
