बैंकिङ खबर/धनकुटाको हिले १ मा ३ दिने आधारभूत व्यवसायिक तरकारी खेती तालिम सम्पन्न भएको छ । निर्धन उत्थान लघुवित वित्तीय संस्था लिमिटेड हिले शाखाको आयोजनामा जेठ २५ गतेदेखि जेठ २७ गतेसम्म हिले १ स्थित होटल टुरिजम प्रा.लिको सभा हलमा तालिम सम्पन्न भएको हो ।
कार्यक्रमको प्रमुख अतिथि धनकुटा नगरपालिकाका मेयर चिन्तन तामाङले लघुवित्तविरुद्ध भइरहेको संयन्त्रको बारेमा प्रकाश पार्नुका साथै शुभकामना मन्तव्य राखेका थिए ।
कार्यक्रम संयोजक तथा शाखा प्रबन्धकको रुपमा बैजनाथ शर्मा र तालिम प्रशिक्षकको रुपमा कृष्ण पौडेलले तालिममा प्रशिक्षण दिएका थिए ।
उक्त तालिम सदस्हरुको आयस्तर तथा क्षमता अभिवूद्धि गर्न उदेश्यले सञ्चालन गरिएको हिले शाखाले जनाएको छ । तालिममा सदस्य तथा अभिभावक गरी ३३ जनाको सक्रिय सहभागिता रहेको थियो । जसमा १ जना अभिभावक र ३२ जना सदस्य थिए । सदस्यहरुको गुनासो क्षेत्रिय कार्यालय बिर्तामोडको क्षेत्रिय प्रमुख शंकर प्रसाद न्यौपानेले सम्बोधन गरेका थिए ।
तालिमको आवश्यकता निर्धन लघुवितले पूरा गरिदिएको र तालिम एकदमै लाभदायक भएको तथा किसानको धेरैजसो समस्याको समाधान समेत भएको तालिममा सहभागी सदस्यहरुले बताएका छन् ।
