बैंकिङ खबर/ब्रोकरहरुको छाता संगठन स्टक ब्रोकर्स एसोसिएसन अफ नेपालले आफ्नो २८ औँ वार्षिक साधारणसभा डाकेको छ । एसोसिएसनको कार्य समितिको बैठकले वार्षिक साधारणसभा आउँदो पुस २२ गते आयोजना गर्ने निर्णय गरेको छ ।
सभा काठमाण्डौको याक एन्ड यती होटेलमा दिउँसो १ बजेबाट सुरु हुनेछ । सभाले नयाँ कार्य समितिको निर्वाचन तथा चयन गर्नेछ। एसोसिएसनको विधान संशोधनको प्रस्ताव पनि छलफल गरी सभाले पारित गर्नेछ । सभाले गत आर्थिक वर्ष २०७८–७९ को वार्षिक, आर्थिकलगायतका प्रतिवेदन पनि अनुमोदन गर्नेछ ।
