राष्ट्रिय स्तरको विकास बैंकको रुपमा कारोवार गरिरहेको “कैलाश विकास बैंक लि.” ले पोखराको बिरौटामा आफ्नो ३७ औँ शाखा संचालनमा ल्याएको छ । नेपाल राष्ट्र बैंकका डेपुटी गभर्नर शिवराज श्रेष्ठले बुधबार एक समारोहका साथ उक्त शाखाको उद्धाटन गरे । साथै पोखराको बगरमा अर्को नयां शाखा संचालन गर्ने तयारी समेत भई रहेको जनाइएको छ ।
यस संस्थाको २०७३ आाषढ मसान्तमा चुक्ता पूंजी रु १ अरव ५८ करोड पुगेको छ भने २०७३ आषाढ मसान्त सम्ममा रु. १५ अरब ६ करोड निक्षेप संकलन गरी रु. १३ अरब ५० करोड कर्जा प्रवाह गरेको छ । गत आ.व.मा यस संस्थाले करिव ४४ करोड खुद मुनाफा आर्जन गरेको छ । बैंकले उक्त चुक्ता पूंजीको बीस प्रतिशतका दरले हकप्रद शेयर जारी गर्न नेपाल धितोपत्र बोर्डमा निवेदन समेत दिई सकेकोछ ।
हालसम्मको प्रकाशित बिवरणको आधारमा विकास बैंकहरु मध्ये यो कैलाश विकास बैंक सबै भन्दा ठूलो विकास बैंक हुन पुगेको छ । संस्थाले विभिन्न जिल्लाका ३७ शाखा मार्फत इन्टरनेट बैंकिङ्ग, एसएमएस बैंकिङ्ग, मोबाईल बैंकिङ्ग सुविधा सुविधा तथा १७ वटा एटीएम मेशिनद्वारा आफ्नो सेवा प्रदान गर्दै आएको छ ।
